Unha das creacións máis singulares da literatura universal son os heterónimos cos que Fernando Pessoa deu forma a diferentes poetas que, en realidade, vivían todos na súa creatividade.
Nos seguintes vídeos, realizados polo equipo da editorial Santillana en Portugal, dásenos información sobre cada un deles.
Alberto Caeiro é o primeiro deles. Aínda que nacido en Lisboa, viviu no campo toda a súa vida dedicándose ao coidado do gando. Aínda así, Pessoa considérao o punto de inicio de todos os heterónimos. Morreu de tuberculose.
Ricardo Reis é discípulo de Caeiro. Foi un médico lisboeta, estudoso do latín e afeccionado aos clásicos. Era monárquico, polo que fuxiu para o Brasil cando se proclamou a Primeira República en Portugal e non se sabe cando faleceu. Sobre isto escribiu José Saramago unha das súas mellores novelas, O ano da morte de Ricardo Reis (1984).
Álvaro de Campos é o máis novo dos tres. Naceu en 1890 e dedicouse profesionalmente á enxeñaría. Pasou por distintas fases poéticas, destacando como poeta futurista.
Todos eles son Pessoa, pero cada un coas súas peculiaridades.
Nos seguintes vídeos, realizados polo equipo da editorial Santillana en Portugal, dásenos información sobre cada un deles.
Alberto Caeiro é o primeiro deles. Aínda que nacido en Lisboa, viviu no campo toda a súa vida dedicándose ao coidado do gando. Aínda así, Pessoa considérao o punto de inicio de todos os heterónimos. Morreu de tuberculose.
Ricardo Reis é discípulo de Caeiro. Foi un médico lisboeta, estudoso do latín e afeccionado aos clásicos. Era monárquico, polo que fuxiu para o Brasil cando se proclamou a Primeira República en Portugal e non se sabe cando faleceu. Sobre isto escribiu José Saramago unha das súas mellores novelas, O ano da morte de Ricardo Reis (1984).
Álvaro de Campos é o máis novo dos tres. Naceu en 1890 e dedicouse profesionalmente á enxeñaría. Pasou por distintas fases poéticas, destacando como poeta futurista.
Todos eles son Pessoa, pero cada un coas súas peculiaridades.
Comentarios
Publicar un comentario