O teatro medieval

O teatro medieval naceu moi unido a festividades relixiosas. No ámbito hispánico atopamos exemplos no teatro castelán, co famoso Auto dos Reis Magos. 

No espazo lingüístico catalán destaca o Misterio de Elche, que se encadra na tradición de representacións extensas que implicaban a moitos personaxes na representación de pasaxes do Evanxeo. Esta obra mostra, ademais, a intensa vocación mariana que existía na Idade Media, que se pode relacionar coa existencia de obras de milagres como Milagros de Nuestra Señora, de Gonzalo de Berceo, e as Cantigas de Santa María, de Afonso X.

 

 

 Pero a partir do século XIII, o teatro comeza a facerse profano. Xorden outras formas teatrais como as farsas, que se inspiran nas narracións breves medievais en verso de carácter satírico: os fabliaux. Dentros das farsas destaca a Farsa do mestre Pathelin.